Përpara disa muajsh Gjiko tregoi për të gjithë se kishte bërë një blerje shumë luksoze, duke privatizuar një jaht.
Madje me këtë rast reperi ironizoi të gjithë këngëtarët e tjerë duke thënë se mund të merrnin jahtin e tij për videoklip, sepse të tjerët e kanë qiranë të shtrenjtë. Pavarësisht se nga jashtë jahti dukej shumë i madh, asnjëherë nuk i kishim parë ambientet brenda tij. Së fundmi Elita Rudi na e ka shuar të gjithëve këtë kuriozitet me anë të një “turi” të shkurtër brenda jahtit. Ajo ka publikuar në ‘Instagram’ disa video në të cilat dallohen dhomat brenda jahtit, që duken të vogla, por shumë komode për një udhëtim në det të hapur. Elita ka postuar edhe disa video të tjera dhe siç duket i gjithë ky mjet lundrimi ka gjithçka që duhet dhe jo më kot Gjiko e ka cilësuar si dashurinë e tij të bardhë.
https://www.youtube.com/watch?v=eyyMJ_LXpv8&feature=youtu.be&fbclid=IwAR2vz0a6RCd3yXMaIJNjfTLgnED6vjU1MBzkgMLVFGkfmhz6iKLCHY_dInY
Nuk dihet nëse Elita dhe Gjiko po bëjnë ndonjë udhëtim tani me jahtin e tyre, por në çdo kohë që do ta zgjedhin ta bëjnë këtë gjë, me siguri do të ndihen shumë të sigurt brenda tij. /revistawho.com
