Ditën e sotme Fero deklaroi se është larguar nga labeli “On Records”, duke vendosur të nisë një karrierë të re. Reperi publikoi një foto me menaxherin e “On Records”, Met Elshani dhe tregoi se ishte ndarë me gjithë grupin në mënyrë paqësore. “Fansa, dashamirës, miq të dashur dua t’ju lajmëroj që nga sot kam përfunduar kontratën me kompaninë dhe nuk jam pjesë e ‘On Records’, ku jemi ndarë miqësisht me një marrëveshje të re ku unë do të vazhdoj si artist i pavarur”, shkruajti Fero në postimin e tij.
https://www.instagram.com/p/B1bO3WzH6hP/
Por mesa duket planet e reperit nuk janë këto, pasi “Prive” ka mësuar se Fero do t’i bashkohet “Babastars”. Burime pranë reperit kanë zbuluar se Fero nuk e ka fshehur asnjëherë dëshirën për të qenë pjesë e “Babastars” apo për të bashkëpunuar me ta dhe se ai mund të jetë prurja më e re e këtij labeli. Ndërsa menaxheri i këtij grupi, Dekorim Sahiti, as nuk i ka mohuar këto fjalë e as i ka pohuar, duke i shtuar akoma më shumë dyshimet. “Ne kemi marrëdhënie shumë të mira, por sa i përket kësaj pjese ne nuk kemi pasur kurrë të tilla diskutime. Mirëpo për të ardhmen nuk dihet ende asgjë. Ka mundësi të bëhet”, është shprehur Sahiti. Fero është parë shpesh në shoqërinë e Getoar Selimit, njërit prej themeluesve të ‘Babastars’ dhe nuk do të ishte çudi që pas disa muajsh ai të bëhej pjesë e grupit të mikut të tij. /revistawho.com
https://www.instagram.com/p/Bx5Ua6BHv__/?utm_source=ig_embed
