Hailey Baldwin dhe Justin Bieber do të organizojnë sërish një dasmë të dytë, për të festuar për dashurinë e tyre. Çifti i njohur ka filluar të shpërndajë ftesat e dasmës dhe mund të themi se ato janë më të veçantat që kemi parë deri më sot. “TMZ’ ka arritur të zbulojë një ftesë të dasmës, e cila është konceptuar në formën e një libri komik. Hailey dhe Justin janë kujdesur që ftesa e tyre të jetë larg pamjes formale dhe duket se janë kanë arritur qëllimit. Në të thuhet se dasma do të mbahet në 30 shtator në Karolinën e Jugut dhe përkrah shkruhet: “Jemi të nderuar t’ju kemi pranë në këtë ditë speciale”.
Dyshja e njohur nuk kanë asnjë lidhje me Karolinën e Jugut, duke qenë se Justin është me origjinë kanadez, ndërsa Hailey nga New York-u dhe duket se ata e kanë zgjedhur këtë vend thjeshtë sepse ju pëlqen. Për më tepër Karolina e Jugut është mjaft e njohur për vendet përrallore që janë të përshtatshme për organizimin e dasmave, prandaj shumë çifte zgjedhin ta celebrojnë dashurinë e tyre atje. /revistawho.com
