Ditën e sotme Flori Mumajesi feston 37-vjetorin e lindjes dhe pavarësisht se ai nuk është aktiv as në muzikë e as në rrjete sociale, nuk kanë munguar urimet nga miqtë e tij. Në fakt shoqëria e labelit“Threedots”, ku Flori bën pjesë, vendosën të heshtnin njësoj si ai, përveç Klajdi Harunit, i cili ashtu si çdo vit i ka dedikuar mikut të tij fjalët më të emocionuese. Ai ka publikuar një foto përkrah Florit dhe bashkangjitur saj ka shkruar: “Është shumë e rrallë të njohësh një njeri të tillë në jetë, me një shpirt kaq të madh me një mirësi që duket me kilometra. Është fat të punosh ditë e natë me ty, të mësosh çdo ditë, të kalosh momente nga më të trishtuarat tek më të bukurat, ditë më ditë. Unë do të mbetem gjithë jetën vëllai yt i vogël që të do shumë… Gëzuar ditëlindjen vëllai im… Rrugën e kemi të gjatë bashkë”.
https://www.instagram.com/p/B1hGx_thbiy/
Nga këto fjalë kuptohet se dy kolegët gëzojnë një raport shumë të veçantë bashkë, duke qenë se ata kanë vite që njihen e bashkëpunojnë me njëri-tjetrin. Pas publikimit të këngës “Mori” Flori nuk ka qenë prezent në skenën muzikore shqiptare dhe nuk dihet edhe për sa kohë do të qëndrojë larg saj. /revistawho.com
