Lizzie McGuire është një nga serialet më të ndjekura për adoleshentët dhe për një kohë ka qenë shumë i famshëm edhe në Shqipëri. Seria e fundit e tij është transmetuar në vitin 2004 dhe tashmë do të rikthehet sërish në ekran pas 15 vitesh. Lajmin e madh e ka dhënë vetë protagonistja e serialit, Hilary Duff, e cila duket mjaft e entuziazmuar për këtë rikthim. Aktorja e njohur publikoi në ‘Instagram’ disa video nga pjesët më të bukura të serialit shoqëruar me mbishkrimin: “Surprizë! Jam përpjekur ta ruaj lumturinë për shumë kohë gjatë momentit që kemi punuar për këtë. Jam më shumë se e lumtur që do të rikthehem sërish në shtëpi, me vajzën time… por këtë herë në të 30-tat e saj”.
https://www.instagram.com/p/B1hig7Wjm3K/
Siç duket Lizzie McGuire nuk do të vijë më si një 13-vjeçare, por këtë herë si një vajzë e rritur dhe e pjekur. Por Hilary nuk do të jetë e vetmja që do të rikthehet, sepse edhe seriali i animuar do të sillet në një version të ri. Seritë e reja të Lizzie McGuire do të transmetohen në platformën e re Disney+. /revistawho.com
