Kylie Jenner ka vendosur të zbulojë për të gjithë ndjekësit në rrjetet sociale një pjesë së garderobës së saj. Me anë të disa postimeve në ‘Instastory’, 22-vjeçarja ka zbuluar një dhomë të tërë e cila ishte e mbushur vetëm me këpucë të firmave më të njohura.
Jenner ka treguar gjithashtu blerjet e ditës, të cilat ishin 2 palë taka me majë nga ‘Balenciaga’ dhe një palë sandale të sheshta ‘Gucci’. “A kam ndonjë problem?”, ka shkruar Kylie krah fotove të publikuara, duke treguar njëherazi një pjesë tjetër të madhe të këpucëve të saj.
Menjëherë pas këtij momenti të shumtë kanë qenë fansat të cilët i janë kundërvënë duke i shprehur se mund të bënte një postim solidarizues për situatën në Amazonë se sa të tregonte një pjesë të garderobës së saj. Të tjerë ndjekës shpreheshin se me vetëm 10% të pasurisë, Kylie do të mundte të shpëtonte Amazonën.
Pavarësisht komenteve të ndryshme në rrjet, miliarderja ka vazhduar të publikojë pamje të ndryshme të këpucëve duke mos i dhënë rëndësi askujt./revistawho.com
