Modelja e njohur, Gigi Hadid duket se është duke kaluar periudhën më të bukur pranë të dashurit të saj të ri, Tyler Cameron. 24-vjeçarja është fotografuar teksa ka udhëtuar me makinë krah partnerit të saj, ndërsa në pjesën e pasme të makinës kanë qenë miqtë e ngushtë të dyshes.
Gigi kishte veshur një bluzë të bardhë, ndërsa flokët i kishte të mbledhura dhe mbante një palë syze dielli. Modelja ishte kujdesur të dukej mjaft tërheqëse duke i bashkuar ‘look-ut’ të saj një sërë aksesorësh si varëse apo lidhëse flokësh të shndritshme.
Pas këtij momenti çifti ka darkuar me Serena Williams në një prej restoranteve më luksoze në New York. Vetëm pak ditë më parë Hadid u kthye nga udhëtimi i saj i parë vetëm me të dashurin e saj, i cili mori vëmendjen maksimale të mediave./revistawho.com
