U ndanë 3 vite më parë, këngëtari i njohur ngre dyshim për një ribashkim të “One Direction”

3 vite më parë, grupi më i dashur i adoleshentëve “One Direction” dha lajmin se këngëtarët kishin vendosur të ndiqnin një karrierë solo. Ky lajm i trishtoi fansat e tyre asokohe, megjithatë asnjëherë nuk kanë humbur shpresat për një ribashkim. Së fundmi, Harry Styles ka qenë në kopertinën e revistës “Rolling Stone” ku dhe ka folur mbi tema të ndryshme në lidhje me muzikën, ndër to dhe mbi temën e një bashkimi të mundshëm të “1D”. Këngëtari u shpreh se ai ishte shumë i kënaqur me kohën që ka kaluar me 4 djemtë e tjerë të grupit dhe ndihet i lumtur që ajo periudhë ka ekzistuar. Pyetur nga gazetarët, Harry pranoi se nëse Louis, Liam, Zayn dhe Niall do të ishin dakord, ai do ta pëlqente shumë një ribashkim. “One Direction” ka sjellë ndër vite hite dhe kjo deklaratë (dhe shumë deklarata të tjera të këngëtarëve në fjalë) kanë ngritur dyshimet se ndoshta në të ardhmen, ribashkimi i grupit do të ndodhë. Këtë vit kanë ndodhur ribashkime të grupeve shumë të njohura të “Hollywood” dhe suksesi i tyre ka qenë akoma dhe më i madh se në fillimet e krijimit./revistawho.com