Pasi rrëmbeu zemrat e dëgjuesve me këngët ‘Zhurmë’ dhe ‘Psikopatja jote’, Fifi duket se ka vendosur të jetë sërish pjesë e kompeticionit të përvitshëm ‘Kënga Magjike’. Këtë e ka zbuluar vetë artistja në llogarinë e saj në ‘Instagram’, ku i është përgjigjur pyetjes së bërë nga një prej ndjekësve nëse do të merrte pjesë kësaj here në festivalin e njohur.
“Unë zakonisht bëj zhurmë, mbase sepse muzikalisht jam psikopate, por këtë vit do mbaroj fare domethënë. Mbarova”, ka shkruar Raçi në postimin e saj ku ka etiketuar dhe kompozitorin Kledi Bahiti dhe Këngën Magjike.
Me siguri pas këtij lajmi fansat duhet të jenë tepër të lumtur dhe duke pritur me shumë kureshtje se çfarë ka përgatitur këngëtarja kësaj here për ta./revistawho.com
