Një nga figurat më të dashura të programit të humorit ‘Apartamenti 2XL’, Lisa Kujofsa duket se shumë shpejt do të shfaqet sërish në ekran. Këtë e ka zbuluar kolegu i saj, Gentian Zenelaj me anë të një fotoje të publikuar në Instagram krah Lisës dhe regjisorit Altin Ago. “Lisa është kthyer”, ka shkruar Zenelaj në foton e publikuar në ‘Instagram’, ku menjëherë janë ngritur dyshimet se ku do ta shohim aktoren këtë sezon.
Nuk dihet nëse Lisa do të jetë pjesë e programit të humorit ‘Kalifornia’ nën drejtimin e moderatores së njohur, Marina Vjollca këtë sezon në ekranin e ‘Tv Klan’, megjithatë kjo pritet të zbulohet shumë shpejt në javët në vazhdim./revistawho.com
