Për të, Rita Lati është thjesht 25 vjeç. Koha ka ndalur në shpirtin e saj, ndaj Roza Lati sërish ka zgjedhur që ta urojë nënën e saj për 25-vjetorin e lindjes, edhe pse aktorja e njohur e humorit rrumbullakos sot plot 60 vite jetë.
“Sot ka 25 vjetorin kjo diva Rita_Lati!Jetofsh përgjithmonë që të më mbash edhe mua rrahjet e zemrës gjallë. Të dua. Edhe më fal për ato 1001 rastet që t’i kam tensionuar unë ty rrahjet e zemrës tënde”. Janë këto fjalë të ndjera, me të cilat Roza ka zgjedhur të uroj nënën e saj publikisht.
Kujtojmë këtu se edhe dy vite më parë Roza e uroi nënën e saj po për 25-vjetorin duke shkruar:
“Sot ka ditëlindjen e vogla ime… Gëzuar 25-vjetorin mbretëreshë!Je mam, babë, motër, vëlla, gjithçka unë kam. Siç e thashë natën finale të Dance Ëith Me, “Mami im, mali që unë mbështes kokën”. Për këtë 25-vjetor tëndin unë dua të të uroj nga larg, veç shëndet dhe lumturi. Mos e hiq kurrë buzëqeshjen nga fytyra jote e vogla ime. Je frymëzimi im”, shkruante Roza në vitin 2017.
Ndaj s’na ngel gjë tjetër veç t’i bashkohemi urimit për 25-vjetorin e Rita Latit. Kështu festoftë edhe kur koha të shënojë 100 vite jetë./ revistawho.com
