Ajo është një nga këngëtaret më të famshme të momentit dhe sigurisht edhe ndër më të paguarat. Rita Ora së fundmi mbajti një koncert në Kroaci, i cili u zhvillua në Zarë, në sallën e sporteve Visnjik, ku ylli i muzikës performoi para 5000 personave hitet e saj më të njohura.
Mirëpo sipas “Index.hr” për koncertin e Ritës nuk ishin shitur të gjitha biletat, gjë që ka shtuar kostot e organizatorëve. Për koncertin Rita ishte paguar 200.000 euro, gjë që nuk u justifikua nga shitja e biletave.
Po sipas “Index.hr” thuhet se organizatori Zoran Skugor, pas çështjes me biletat nuk donte më që koncerti të mbahej. Megjithatë koncerti duket se shkoi mjaft mirë për këngëtaren, e cila nuk harroi të theksonte edhe origjinën e saj para kroatëve, duke thënë se ka shumë këngëtarë të mirë në Shqipëri dhe se është ndjesi e bukur të përfaqësosh vendin tënd./revistawho.com
