Një ditë më parë në media u përfol “arratisja” e Taynas bashkë me modelen shqiptare, Vildane Zeneli, drejt një prej destinacioneve më luksoze në Amerikë, “The Hamptons”. Vajzat publikuan disa foto dhe video ku zbulonin pak nga pushimet e tyre, por mesa duket jo çdo gjë është organizuar si e tillë. Sipas “Indeksionline”, menaxheri i Taynas ka zbuluar se në fakt reperja ka shkuar në Amerikë për të përgatitur projektin më të ri, që pritet të publikohet së shpejti. Ky vit ka qenë shumë i suksesshëm për reperen, kjo pasi ajo ka sjellë hite të njëpasnjëshme që janë pritur shumë mirë nga publiku dhe kanë rezultuar të suksesshme që në ditët e para. Me siguri dhe projekti i radhës do jetë i tillë, me një videoklip të “flaktë”, pjesë e së cilit mund të bëhet dhe mikja e Taynas, Vildane. Për detaje të tjera, nuk na mbetet gjë tjetër veçse të presim një konfirmim apo lajmërim nga vetë reperja apo modelja./revistawho.com
