Capital T është një nga reperët më të pëlqyer nga publiku shqiptar. Ai është gjatë gjithë kohës në qendër të vëmendjes dhe fansat e tij vazhdimisht duan të dinë nëse ai është në një lidhje apo jo. I ftuar mbrëmjen e sotme në “Zonë e lirë”, Capita T ka zbuluar se momentalisht ai është single. Përsa i përket muzikës, ai bëri një deklaratë që pak a shumë konfuzoi të gjithë adhuruesit e muzikës së tij. Gjatë karrierës së tij, Capital nuk ka dalë në shumë intervista dhe Ariani e ka pyetur për arsyen e këtij vendimi, ndërsa ai është shprehur se do ishte më mirë të largohej nga muzika. “Thjesht desha të merresha me karrierën, muzikën. Media shumë, portale shumë dhe të tërhiqnin nga qëllimi kryesor. Do ishte më mirë të tërhiqesha nga muzika por e dua, e bëj me zemër dhe nuk mundem. Të paktën nga media, syri i madh, më ka bërë mirë që jam tërhequr. Tani që po vij tek ti kam shumë gjëra për të diskutuar, koncertin, muzikën…”, është shprehur reperi, teksa në ekran shfaqej një video e intervistës së tij të disa viteve më parë me Çanin. Kujtojmë se Capital do të sjellë në datë 19 një koncert madhështor në Tiranë, ku do të performojë të gjithë projektet e tij ndër vite./revistawho.com
