Albert Einstein dikur ka thënë se kur në botë të mos ketë më bletë, atëherë jetës i ka ardhur fundi. Dhe lajmet e këqija që vijnë nga këto gjallesa me rëndësi jetike për ne nuk janë fare të mira. Por sa kohë do të ketë njerëz të mëdhenj si Morgan Freeman, atëherë ka shpresë.
Aktori i famshëm i “Hollywood-it” e ka shndërruar fermën e tij në parajsë bletësh. Morgan fillimisht u interesua për bletarinë në vitin 2014 për shkak të zhdukjes masive të bletëve. Që atëherë, Morgan ka sjellë më shumë se 26 koshere nga Arkanzas në fermën e tij 124 hektarëshe në Missisipi, të cilën e ka shndërruar në një parajsë bletësh me lule tërfili, magnolia dhe livando.
Në dekadat e fundit, fermerët dhe shkencëtarët kanë vërejtur një rënie dramatike në popullsinë e bletëve në botë. Vetëm në SHBA, numri i kolonive të bletëve është ulur me 90 % që nga viti 1962.
Humbja e bletëve ndodh për shkak të ndryshimit të klimës, pesticideve dhe rënies së përgjithshme të vendbanimeve të tyre natyrore. Bletët polenizojnë pjesën më të madhe të frutave, arra dhe perime që hamë dhe pa këto insekte të jashtëzakonshme, njerëzit si një specie do të vinin në prag të zhdukjes./revistawho.com
