Ai është një nga ikonat e muzikës rrok, i cili duket se nuk do të plaket kurrë.
Në fakt për liderin e “Rolling Stones”, Mike Jagger vitet janë thjesht numra dhe ai këtë e ka vërtetuar si në skenë ashtu edhe në jetën e tij private. Së fundmi Jagger, është kapur mat teksa po darkonte të mërkurën në mbrëmje me një zeshkane misterioze.
I veshur me xhaketë Mick, i cili është në një lidhje me 32-vjeçaren Melanie Hamrick u pa i shoqëruar me brunen bukuroshe, e cila ishte veshur me mjaft stil, çizme deri tek kyçi i këmbës dhe me një fustan stil koket.
Jagger ka 8 fëmijë me 5 gra të ndryshme. Fëmijët e tij më të vjetër janë Karis Hunt, 45 vjeç, nga martesa me këngëtaren Marsha Hunt, dhe Jade Jagger, 44 vjeç, me ish-gruan Bianca Jagger, me të cilën ishte i martuar për tetë vjet.
Katër fëmijë i ka me ish-partneren Jerry Hall: Elizabeth, 32 vjeç, James, 30 vjeç, Georgia, 24 vjeç, dhe Gabriel, 19 vjeç. Me modelen braziliane Luciana Gimenez ka djalin Lucas, 17 vjeç. Ndërsa gjithashtu ka pesë nipër dhe mbesa, kurse në muajin maj të 2014 u bë stërgjysh, pasi mbesa Assisi lindi vajzë./revistawho.com
