Kanë mbetur vetëm pak ditë nga koncerti madhështor i Capital T, ku reperi i njohur pritet të performojë disa nga hitet e tij më të bukura ndër vite. Më herët Capital T ka paralajmëruar se ky koncert do të ketë përmasa gjigande dhe nga ajo çfarë është parë deri më tani duket se askush nuk do të zhgënjehet. Reperi nuk do të jetë i vetmi që do të performojë, sepse atij do t’i bashkohen në skenë edhe disa nga kolegët me të cilët ai ka bashkëpunuar. Pak ditë më parë u zbulua se Majk dhe Dhurata Dora do të ishin dy prej tyre, ndërsa sot Capital T ka treguar disa emra të tjerë që do të këndojnë bashkë me të. I ftuar në emisionin radiofonik “You&Me” në “NRG Radio” reperi ka thënë se koncertit të tij do t’i bashkohet Alban Skënderaj dhe 2po2, i cili ka qenë mbështetja më e madhe në muzikë për të. Capital T ka publikuar në ‘Instagram’ disa video në të cilat shihet duke bërë prova me grupin e kërcimit, që duket i madh në numër. Në njërën prej videove në sfond dëgjohet kënga “Lejla” e Capital T dhe Elvana Gjatës, diçka që mund të tregojë se edhe këngëtarja mund të jetë e pranishme në koncertin e reperit.
Megjithatë na duhet të presim deri në datë 19 shtator për të zbuluar se çfarë surprizash ka rezervuar Capital T në “Time Capsule”. /revistawho.com
