Getoar Selimi mund të cilësohet si një nga meshkujt më me stil të showbiz-it shqiptar, sepse gjithmonë është treguar shumë i kujdesshëm për pamjen e tij. Vitet e fundit këngëtari i njohur ka preferuar t’i qëndrojë besnik të njëjtit ‘look’ me mjekër të gjatë dhe flokët të prerë shkurt. Atëherë kur të gjithë menduam se Getoari nuk do të ndryshonte asnjëherë pamje, reperi vendosi të na surprizonte. Ditën e sotme ai ka treguar se ka vendosur të rifreskojë imazhin e tij, duke i prerë flokët tërësisht. Në të dallohet vetëm hija e flokëve dhe sigurisht mjekra e gjatë, që mesa duket nuk do të ndryshojë kurrë.
Menjëherë pas publikimit të fotos nga ana e fansave të reperit pati reagime të shumta, disa shpreheshin të kënaqur me ndryshimin e të tjerë thoshin se duhej të kishte bërë të kundërtën, të linte flokët e të hiqte mjekrën. Pavarësisht se ky ishte një ndryshim i papritur me siguri duhet të jetë i përkohshëm, sepse siç e ka thënë vetë Getoari më shumë ka shërbyer si një rifreskim. Mbi të gjitha këngëtari duhet vlerësuar për guximin, sepse janë të paktë meshkujt e njohur që provojnë të eksperimentojnë me pamjen e tyre kështu siç ka bërë Getoari gjatë viteve të karrierës së tij. Kujtojmë se në muajt e verës këngëtari publikoi disa projekte muzikore të suksesshme si “Vamos” apo “Malena”, në bashkëpunim me kolegë të tij. /revistawho.com
