Elita Rudi dhe Gjiko janë një nga çiftet më të dashur të estradës shqiptare, kjo dhe për shkak të ekspresivitetit që reperi ka shfaqur në publik. Prej 7 muajsh dyshja janë bërë prindër për herë të parë të një djali të quajtur Zëri.
Shumicën e kohës duket se moderatorja e kalon pranë të voglit të saj, megjithatë së fundmi ka vendosur t’iu përgjigjet disa prej pyetjeve të bëra nga ndjekësit e saj në llogarinë në ‘Instagram’.
“Ke dëshirë që Zëri të thërrasë ty të parën mami apo babi Gjikon?”, shkroi një prej fansave në rrjetet sociale. Rudi vendosi t’i përgjigjet duke publikuar një video të Zërit i cili shqipton fjalën ‘mama’. Me siguri pas këtij momenti moderatorja duhet të ketë qenë shumë e lumtur.
E pyetur nëse do të ketë fëmijë të tjerë në familje, Elita shtoi se nuk është në planet e afërta kjo gjë. Ndërsa jo më larg se dje ajo i dedikoi të birit fjalët më të ëmbla të dashurisë në një postim ku tregonte se ai po rritej shumë shpejt./revistawho.com
