Aktori i njohur Bes Kallaku, gjithmonë e ka shprehur dashurinë e madhe që ka ndaj gjyshes së tij, Ijës, e cila është kujdesur për të që foshnje dhe e ka rritur. Ajo është kthyer në një personazh shumë të njohur dhe të komentuar për publikun shqiptar. Aktori ka postuar vazhdimisht foto me të në profilin e tij të Instagramit, por mbrëmjen e kaluar ka prekur zemrat e gjithë ndjekësve të tij, me dedikimin e shkruar për të. “Në prehërin ku lindën ëndrrat, dashuria, natyrshmëria dhe përulësia. Në prehrin që të përkëdhel dhe kur ti nuk je i mbështetur aty, kur të përkëdhel dhe kur je larg sepse vendi yt nuk të ka siguruar dot të ardhmen. Në prehërin ku fotot e tua ndodhe të lagen prej lotëve për largësinë tënde, për dashurinë që ka për ty dhe pafuqinë për të të shpupurisur flokët si fëmijë…Në prehrin ku sado i rritur të jesh, ti nuk rritesh kurrë. Një përqafim për nënat dhe gjyshet. Zoti na i rujt sa ti kemi afër”, shkruan aktori në foton bashkë me gjyshen e tij. Kujtojmë se së fundmi Bes Kallaku dhe bashkëshortja e tij Xhensila Myrtezaj kanë festuar 1-vjetorin e vajzës, Ajkës.
