Pak javë më parë u zbulua se shumë shpejt aktori i njohur i humorit, Gaz Paja do të bëhet baba për herë të parë, pasi bashkëshortja e tij është në pritje të ëmbël. Ndërsa mbrëmjen e sotme i ftuar në ‘Soiree’ në ekranin e ‘Top Channel’ me gazetaren Jonida Shehu, Gazi ka zbuluar se do të jetë baba i një djali.
Ai ka rrëfyer gjithashtu se kryetari i bashkisë, Erion Veliaj i jep këshilla të vlefshme për kohën kur djali do të vijë në jetë. Ndonëse Paja është treguar tepër i rezervuar përsa i përket jetës private, me siguri në momentin kur fëmija do të vijë në jetë do të zbulojë edhe emrin e tij.
Kujtojmë se për shkak të angazhimeve të shumta në punë, Gazi nuk mundi të bëjë një muaj mjalti me partneren, megjithatë tashmë ai është duke përjetuar periudhën më të bukur së bashku me të gjithë njerëzit më të dashur të tij./revistawho.com
