Këtë fundjavë, këngëtarja ikonë e muzikës popullore shqiptare, Merita Halili është rikthyer në kryeqytet me koncertin e saj të parë recital pas 20 vitesh. Emisioni “Lart e Poshtë” arriti të hyjë në provat gjenerale të “Lule T’Bukura Ka Tirona” ku solli për publikun pamje ekskluzive nga prapaskenat e koncertit recital. Gjithashtu, “Lart e Poshtë” solli edhe një intervistë të protagonistes së këtij koncerti, Merita Halili.
E pyetur nga gazetari Andi Vrapi nëse mezi pret të bëhet gjyshe apo dëshiron t’ja lërë kohës, Merita u përgjigj: “Qëllimi im si nënë ka qenë që t’i rris dhe t’i edukoj mirë, të shkollohen, të edukohen mirë, të vazhdojnë të jenë sa më të pavarura me veten e tyre. Për mua byzylyku i floririt apo i diamantit është shkolla. Unë dua që ato të edukohen pastaj jeta vazhdon!”, – ka përfunduar Halili.
Gjithashtu, këngëtarja e mirënjohur ka dhënë edhe një lajm tejet të mirë për ata që e humbën koncertin në Tiranë. “Lule T’Bukura ka Tirona” do të vijë së shpejti edhe në vendet ku ka shqiptarë si Kosovë, Maqedoni e Mal i Zi./revistawho.com
https://www.instagram.com/p/B276NchgLn7/?utm_source=ig_web_copy_link
