Ditën e hënë Hailey Baldwin dhe Justin Bieber do të kurorëzojnë me martesë dashurinë e tyre për herë të dytë. Çifti i njohur kanë zgjedhur të organizojnë dasmën e tyre në një hotel në Karolinën e Jugut dhe mendohet se gjithçka do të jetë shumë private. Tashmë që na ndan vetëm 1 ditë nga martesa, Justin është bërë nostalgjik duke kujtuar momentet e para nga njohja e tij me Hailey-n. Këngëtari ka publikuar në ‘Instagram’ një foto të vjetër përkrah partneres së tij, kur të dy kanë qenë ende shumë të vegjël. Përkrah fotos Justin ka shkruar: “Bashkëshortja ime dhe unë. Nga ku nisi e gjitha”.
Ata të dy janë takuar për herë të parë në vitin 2009, pasi babai i Hailey-t i njohu me njëri-tjetrin. Ndjekësit e këngëtarit e pëlqyen foton dhe të gjithë shprehen të lumtur që ata të dy e kanë ruajtur për kaq gjatë miqësinë dhe dashurinë e tyre. Hailey dhe Justin kanë kaluar probleme të shumta, megjithatë ata kanë mundur të përballojnë gjithçka. Mendohej se ata të dy do të martoheshin vitin e kaluar, por për shkak të shqetësimeve të Justin me shëndetin mendor çifti vendosën ta shtynin ceremoninë për këtë vit. /revistawho.com
