Mbrëmjen e kaluar ka nisur sezoni i ri i programit “Shiko kush luan” i drejtuar nga moderatorja Luana Vjollca. Këngëtari i njohur Hekuran Krasniqi ishte një prej të ftuarëve të natës së kaluar, dhe si të gjithë pjesëtarët e tjerë u bë pjesë e lojës “Ndaje ose haje”. Gjatë kësaj loje ai u pyet se me cilin këngëtar ka patur konflikt apo mosmarrëveshje. Asnjë nuk mendoi se ai do tregonte një emër konkret, por artisti i surprizoi kur u shpreh se konflikt kishte patur vetëm me Sabri Fejzullahun. “Mua më propozuan të zgjidhem delegat për Kuvendin e Punës për mbrojtjen e të drejtave të autorit dhe xhaxhi Sabri, me gjithë respektin që kam për të, nuk e di pse u nxeh kur më propozuan mua dhe tha: “Kush është ky more? Nuk e njoh.” Unë nuk fola kjo është kultura ime, më vjen shumë keq për atë reagim të tij. Unë i kërkova ndjesë dhe i thash :”Unë nuk u vetëzgjodha.” Ai reagoi për herë të dytë por unë nuk vazhdova më”, shpjegon Hekurani. Me përgjigjen e dhënë sqaroi konfliktin për ata që nuk e dinin dhe shmangu hedhjen e tortës drejt fytyrës së tij. Ai gjithashtu performoi dhe një nga këngët më të dëgjuara të tij në bashkëpunim me “Fisnikët” e titulluar “Ajo më mbyti”.
