Vëllezërit Donald dhe Romeo Veshaj kanë qenë disa prej të ftuarëve special të programit ‘E diell’ në ekranin e ‘Top Channel’. Në një intervistë ndryshe me gazetarin Ervin Kurti, të ideuar në një krevat, binjakët kanë rrëfyer detaje të ndryshme nga jeta e tyre. Të pyetur nëse do të vazhdojnë të jenë krah Agron Llakaj, Romeo dhe Donald kanë pohuar se vazhdojnë të jenë pjesë e një shtëpie të madhe, por në dhoma të ndryshme. Ata shtuan gjithashtu se do t’i jenë përherë mirënjohës Agronit për shkak se ishte ai i cili i formoi, por këtë sezon nuk do të jenë pjesë e programit të humorit ‘Al Pazar’.
Përveç kësaj, të pyetur se kë aktor të ‘Portokallisë’ dy vëllezërit e vlerësojnë me notën 10 dhe notën 4, Donaldi tregoi se i jep notën 10 aktorit Florian Binaj duke treguar vlerësimin maksimal për të. Në këtë listë emrash, Romeo shtoi dhe emrin e Gaz Pajës duke e renditur ndër më të mirët, por pa permendur një emër për notën 4.
Ervini nuk hezitoi t’i pyesë binjakët edhe për jetën private, duke e vendosur Romeon në një zgjedhje jo pak të lehtë. “Midis një kënge të Jonida Maliqit, Dafinës apo Taynës kë do zgjidhje të dëgjoje?”, ishte pyetja të cilës Veshaj iu përgjigj: “Padyshim Jonidën”.
Ashtu si çdo dalje e tyre publike, vëllezërit tërhoqën vëmendjen e të gjithëve dhe për shkak të humorit të tyre, i cili nuk mungoi në përgjigjet e dhëna./revistawho.com
