Një javë më parë u zbulua se Bora Zemanit i ishte besuar një tjetër program televiziv nga platforma digjitale ‘Tring’. Moderatorja publikoi në rrjete sociale një poster në të cilin ajo shfaqej brenda një skice dizanji shoqëruar me shkrimin “Mendo si do më vishje”. Bora nuk tregoi asnjë detaj më tepër në lidhje me emision, por së fundmi është zbuluar formati i tij.
https://www.instagram.com/p/B2zaTeMDaIA/
Programi që Zemani do të drejtojë do të vijë në formën e një ‘reality show’, ku 10 stilistë të rinj do të garojnë me njëri-tjetrin për të prezantuar veshje unike të krijuara prej tyre. “Albanian Designer Competition” do të jetë një emision që do të ketë si qëllim të zbulojë talentet e reja në fushën e modës dhe t’i japë njërit prej stilistëve mundësinë për t’u bërë akoma më i njohur në industrinë e modës. Në këtë kompeticion një rol tepër të rëndësishëm do të ketë stilisti i mirënjohur, Ardi Asllani, i cili do të jetë mentori i 10 konkurrentëve që do të marrin pjesë në program.
Stilistët e rinj do të krijojnë çdo javë nga një veshje sipas tematikave të përcaktuara nga produksioni dhe pas prezantimit të tyre do të ketë një eleminim. Në finalen e kompeticionit do të ketë një sfilatë, në të cilën tre finalistët e “Albanian Designer Competition” do të shfaqin një koleksion të tyre dhe ai që do të shpallet fitues do të ketë mbështetjen e produksionit për nisjen e rrugëtimit profesional. Ky kompetcion është i pari në llojin e vet në Shqipëri, prandaj është e sigurt se do të na mbajë të gjithëve të mbërthyer pas ekranit. /revistawho.com
