Ditën e hënë Hailey Baldwin dhe Justin Bieber u martuan për herë të dytë dhe këto kohë ata kanë qenë në qendër të vëmendjes mediatike. Pavarësisht se dasma e dyshes ishte shumë private, miqtë e tyre në rrjete sociale publikuan disa imazhe duke treguar se çfarë ndodhi brenda saj. Nga fotot e postuara dukej se Hailey dhe Justin ishin kujdesur që gjithçka të ishte elegante e luksoze dhe kjo gjë dukej edhe në detajet më të vogla. Pas dasmës Bieber publikoi në rrjete sociale foto me bashkëshorten e tij dhe të gjithëve u ranë në sy bizhuteritë e tyre, që kanë kushtuar shumë shtrenjtë.
Sipas “DailyMail” bizhuteritë e dyshes kushtojnë rreth 750 mijë dollarë, kështu që mund të kuptohet lehtësisht se sa kanë shpenzuar ata për dasmën e tyre. Në fotot e publikuara Hailey kishte kombinuar unazën e fejesës 500 mijë dollarëshe me një diamant, të cilin mendohet se e ka blerë tek “Tiffany&Co”. Gjithashtu modelja shihej duke mbajtur një set bizhuterish mbi 5-karat nga e njëjta markë, që në total shkojnë 123 mijë dollarë. Ndërsa Justin kishte një pamje më të thjeshtë, duke zgjedhur një model më të trashë për unazën e tij të martesës. Por as bizhuteritë e Bieber nuk mbaronin me kaq, pasi në pjesën e dhëmbëve ai kishte vendosur disa diamant dekorativ në dhëmbë që kushtojnë 25 mijë dollarë.
Menjëherë pas dasmës së tyre Hailey dhe Justin u rikthyen në Kaliforni me një avion privat. /revistawho.com
