Fjorentina Halili është një nga ish-banoret më të komentuara të “Big Brother Albania”. Ajo u spikat jo vetëm për sinqeritetin dhe transparencës por edhe për lidhjen e famshme me një prej banorëve të tjetë, Olsi Klosin. Pas përfundimit të programit dhe daljes nga shtëpia e ‘Big Brother’, çifti i dha fund lidhjes së tyre dhe tashmë Fjorentina është përfshirë në një marrëdhënie tjetër. Së fundmi ajo ju ka dhënë mundësinë ndjekësve të saj t’i bëjnë pyetje të ndryshme në ‘Instagram’ dhe sigurisht nuk kanë munguar dhe ato në lidhje me eksperiencën e saj në BBA. Njëri prej tyre shkruan: “A mendon se ‘Big Brother’ ishte një mundësi që të arrije këtu ku je?”. E menjëhershme ka qenë dhe përgjigja e saj në lidhje me këtë çështje duke thënë se eksperienca aty i ka shkatëruar jetën. Kujtojmë se Fjorentina nuk i ka munguar televizionit dhe është tepër aktive gjithashtu edhe në rrjete sociale.
