Sinan Hoxha s’i reziston tundimit, zbulon gjininë e fëmijës

Këngëtari Sinan Hoxha në një intervistë për “Prive” ka zbuluar detaje të jetës së tij private, ecurinë e martesës me Andrrën dhe një tjetër surprizë. Pasi ka treguar për ditët që po kalon si burrë i martuar, ai ka shpjeguar edhe ndjesinë e pritjes për t’u bërë baba. “S’jam bërë pishman se këtë vendim e mora në një moshë shumë të pjekur. Jam shumë i kënaqur, shumë i lumtur mirëpo nuk e di se sa do zgjasë kjo lumturia ime sepse unë jam në fillim të qypit, tek shtresa e mjaltit”, ka thënë Sinani duke qeshur. Më tej ai është shprehur se ndjesia e të bërit baba që tani pa lindur fëmija është aq e bukur sa “nuk e përshkruan dot”. E megjithëse më herët Sinani tha për “revistaëho.com” se kishin vendosur që sipas traditës të mos e zbulonin gjininë e fëmijës, me sa duket çifti nuk i ka rezistuar dot tundimit. Ai ka zbuluar se do të bëhen me djalë.