Disa ditë më parë në rrjet qarkulloi lajmi se Princi Harry vendosi të hedhë në gjyq pronarët e ‘The Sun’ dhe ‘Daily Mirror’ me pretendimin se i kanë hakuar telefonin. Një zëdhënës i Pallatit të Buckingham konfirmoi për ‘CNN’ se pronarët e mediave janë akuzuar për “përgjim të paligjshëm të mesazheve zanore në telefonin e Harry-t”.
Megjithatë pas këtyre lajmeve duket se duka i Sussex do të hedhë në gjyq edhe dy media të tjera të njohura. Deri më tani nuk është bërë ende publik emri i tyre, por kjo pritet të zbulohet në ditët në vazhdim.
Pas probleme të shumta me mediat, dhe aludimeve të ndryshme të spekuluara në to, Harry ka vendosur të marrë masa publikisht./revistawho.com
