Ditën e nesërme pritet të nisë sezoni i ri i ‘Portokalli’, i cili si çdo herë tjetër do të sigurojë mjaft të qeshura për të gjithë publikun në skenë, por dhe teleshikuesit nga shtëpia. Me anë të një postimi në llogarinë në ‘Instagram’, shefi i kuzhinës, Renato Mekolli ka zbuluar se do të jetë pjesë e shfaqjes së bashku me aktorin e njohur të humorit, Gaz Paja.
“Ne të dy, nesër në ‘Portokalli’”, ka shkruar Mekolli krah fotos ku shfaqet së bashku me Gazin. Nuk dihet ende se çfarë kanë menduar të sjellin për publikun të dy personazhet, megjithatë kjo pritet të zbulohet nesër në mbrëmje.
Kujtojmë se sezonin e kaluar, skenat e aktrimit ku Paja imitonte “djallin” kanë shkaktuar mjaft të qeshura dhe ovacione në publik./revistawho.com
