Cilat janë arsyet që i bëjnë bashkë Elton Dedën, Aleksandër Gjokën dhe Redon Makashin?

“3 musketjerët” e muzikës shqiptare, Elton Deda, Aleksandër Gjoka dhe Redon Makashi, ishin të ftuar special ditën e sotme në emisionin “E diell”. Treshja e njohur e rock-ut nuk mundën t’ju shpëtonin pyetjeve ngacmuese nga Ervin Kurti, i cili ka dashur të zbulojë disa arsye që i kanë bërë bashkë artisët. Kur u pyetën përse i prenë flokët e gjatë me kalimin e kohës, Eltoni dhe Aleksandri thanë për shkak të rrallimit të tyre, ndërsa Redoni u shpreh se nuk do i pres më kurrë. Ai tha se ka eksperiementuar para shumë vitesh, por nuk i ka pëlqyer vetja me flokët e shkurtër. Për të gjetur më tej të përbashkëtat mes tyre, tre këngëtarët janë “ngacmuar” me disa imazhe. Për sa i përket pjesës se kush merr më shumë para, Aleksandri tregoi se Elton Deda paguhet më shumë nga të tre, sepse merret me pjesën e menaxhimit. Më tej kanë zbuluar se Deda dhe Gjoka janë më shumë pijedashës, ndërsa Makashi nuk i konsumon shpesh pijet alkoolike. Tre këngëtarët kanë treguar se ata nuk janë zënë kurrë për një vajzë, pasi kanë pasur gjithmonë një shoqëri të ngushtë me njëri-tjetrin. Artistët njihen me njëri-tjetrin që prej vitit 1992 dhe për shkak të miqësisë që kanë pasur prej kaq shumë kohësh ata kanë marrë edhe emrin “Tre musketjerët”.