Në një event me shumë stil dhe klas mbrëmjen e djeshme Joni Peçi bëri bashkë të gjithë personazhet e njohur në vend për të promovuar parfumin e tij “Encyclopædia”.
Këtë herë Joni shpalosi talentin e tij në një tjetër dimension të paeksploruar më parë dhe ashtu si çdo herë tjetër ja arriti të fitonte vëmendjen e merituar për punën e bërë. Si një nga stilistët më të mirë që i kushton pafund rëndësi detajeve, Peçi ishte kujdesur që eventi i organizuar për “Encyclopædia” të ishte në nivelet më të larta.
Çdo gjë ishte e dekoruar me shumë shije, stil modern dhe avantgard, ku në qendër të të gjithave qëndronte emri i parfumit dhe vetë stilistit.
Për këtë sukses të radhës në karrierën e tij, Joni nuk mund të mos kishte si të ftuar të gjithë personat të cilët e kanë ndihmuar dhe mbështetur në çdo hap të tij.
Stilisti ishte kujdesur që të mos mungonte asnjë prej personazheve të njohur, të cilët në ditët më të rëndësishme të tyre kanë zgjedhur të vishen nga duart e Jonit. Të gjithë të famshmit shkëlqyen me veshjet e tyre duke u përshtatur me vetë elegancën e eventit.
Ata patën mundësinë të merrnin në duart e tyre edhe një parfum “Encyclopædia”, për të cilin Joni ka derdhur gjithë talentin dhe aftësinë e tij. Ky event na vërtetoi dhe njëherë se Joni Peçi di gjithmonë si ta sjellë diçka në formën më të bukur dhe se nuk do të ndalë asnjëherë së punuari për të lënë gjurmë të përjetshme në vendin e tij. /revistawho.com
