Prej kohësh këngëtarja e njohur shqiptare, Elvana Gjata dhe stilisti kosovar mjaft i talentuar, Valdrin Sahiti kanë treguar se gëzojnë një miqësi shumë të ngushtë dhe të ngrohtë me njëri-tjetrin. Ata kanë zbuluar gjithashtu se kanë qenë gjithmonë krah njëri-tjetrit në momentet më të rëndësishme të karrierës së tyre. Së fundmi teksa Valdrini ka festuar suksesin e tij të radhës për stilimet që prezantoi në sfilatën e ‘Class’, mikja e tij është kujdesur ta surprizojë duke i sjellë Dj e preferuar.
“Surpriza. Pas sfilatës kisha organizuar një festë me njerëz të mitë të ngushtë për të festuar jetën. Kaq doja dhe gëzohem pafund që kisha me kë dhe pse. Në jetë, edhe në ‘showbiz’ mësova që duhet të jemi falënderues ndaj të mirave që na sjell zoti. Kam mësuar plot gjëra, por mbi gjithcka jam shumë krenar që kam mësuar të dua.
@elvanagjataaa nuk ndalove kurrë duke më vërtetuar që ja vlen të duash jetën e miqtë e tu, ja vlen të jesh i mirë dhe të japësh dashuri çdo minutë. Për të gjithë ata që nuk e dinë @mahmutorhan është Dj im i preferuar, pothuajse ndër të paktët idhuj që kam. Ela e solli surprizë në festën time, por ajo nuk solli vetëm atë. Solli kujtimet tona që krijuam pafund nën tingujt e këtij Dj, solli Londrën, Parisin, Stambollin, L.A, mbi të gjitha më mbushi shpirtin me dashuri dhe respekt. Pafund falënderues për miqësinë tënde, të do Drinki”, ka shkruar stilisti i njohur krah videos së publikuar në llogarinë në ‘Instagram’, ku dallohen miqtë më të ngushtë të tij, por dhe Gjata duke hapur mbrëmjen e festës me fjalët më të ndjera për Valdrinin.
Mesa duket Elvana është kujdesur me surprizën e saj që kjo natë të mbetet gjatë në memorien e Valdrinit./revistawho.com
https://www.instagram.com/p/B3m05DiHb0h/
