Këngëtari i njohur Alban Skënderaj, ka lajmëruar në ‘Instagram’ se kjo do jetë një javë e rëndësishme për të. Ai njoftoi se është duke xhiruar diçka interesante, e të gjithë mezi presim ta zbulojmë çfarë. Artisti gjithashtu tregoi se do nderohet me një çmim të rëndësishëm nga ambasada italiane në Shqipëri pasi të performojë në Itali. “Duke xhiruar diçka interesante! Mesa duket kjo është java italiane për mua pasi mbas performancës në Firenze, do jem disa ditë me familjen time në Pistoia, të shtunën sërish në një koncert në teatrin të Aliganës, një zonë që unë e njoh shumë mirë dhe të hënën në Tiranë do kem kënaqësinë të jem pjesë dhe të nderohem me një çmim në një event për promovimin e gjuhës italiane nga Ambasada Italiane në Shqipëri. Jam i bindur se shumë nga ju, ashtu si une, në mënyrë direkte apo indirekte janë influencuar dhe frymëzuar në jetë nga kjo gjuhë melodioze dhe ky shtet i cili ka qenë, është dhe do të jetë mik i shqiptarëve. Me krenari mund të them tashmë se shqiptarët që jetojnë në Itali janë integruar në mënyrë shëmbullore ndërsa ata qe jetojnë në Shqipëri si për muzikën, kinematografinë, modën, ushqimin etj e ndjejnë Italinë afër me shumë se çdo shtet tjetër”, ka shkruar Albani në postimin e tij. Kujtojmë se këngëtari ka organizuar dy koncerte së fundmi, një në Tiranë dhe tjetrin në Prishtinë, të cilët rezultuan një sukses i vërtetë.
https://www.instagram.com/p/B3myXESgSZ_/
