Lei Kraja është një nga moderatoret më simpatike të ekranit, duke qenë se edhe hapat e parë në karrierë ajo i ka hedhur në modeling. Megjithatë duket se dhe vajzat e bukura si Lei kërkojnë ndryshime të vogla tek vetja dhe moderatorja nuk ka frikë ta pranojë këtë gjë. Ditën e sotme e ftuar në emisionin “Vizioni i Pasdites” Kraja ka treguar se nuk ka asnjë ndërhyrje estetike në trup, por do të dëshironte të ndryshonte diçka.
“Unë nuk kam kryer asnjë ndërhyrje, por do të doja të bëja sytë se i kam pak si të perënduar. Më pëlqejnë shumë sytë cat eye (sytë si mace). Edhe gjithmonë ju them fotografëve ma ngri pak syrin lart, apo më dobëso pak këmbën”, ka thënë Lei. Moderatorja ka treguar se nuk është aspak detajiste për fotot dhe se kohët e fundit ka mësuar ta përdorë ‘photoshop-in’, por në mënyrën e gabuar. Ajo ka shtuar se në rrjete sociale nuk ka publikuar asnjëherë foto pa filtra, sepse ka pasur frikë edhe nga komentet negative të tjerëve. Moderatorja ka thënë se në fillim mërzitej prej ofendimeve, por tashmë është mësuar me to dhe nuk i bëjnë më përshtypje. /revistawho.com
