Gjendja e dukeshës së Sussex, Meghan Markle ka tërhequr jo pak vëmendjen e ndjekësve të pallatit mbretëror. Në një intervistë të dhënë së fundmi 38-vjeçarja ka treguar se gjërat nuk kanë shkuar dhe aq mirë për të. “Veçanërisht si femër është vërtetë e tepërt. Kjo e kalon vështirësinë e të qënurit një e sapomartuar dhe nënë e re. Gjithashtu ju falenderoj që më pyetët nëse jam mirë, jo shumë njerëz interesohen për këtë gjë”, u shpreh Markle e prekur gjatë daljes së saj publike. Menjëherë pas këtij momenti fansat e pallatit ‘Kensington’ kanë vendosur të tregojnë mbeshtetjen e tyre ndaj Markle duke përdour hashtagun ‘TëDuamMeghanMarkle’ në rrjetin social të ‘Twitter’. Postimet kanë qenë të shumta, duke treguar publikisht dashurinë që fansat e familjes mbretërore kanë për dukeshën e Sussex.
Kujtojmë se Meghan është komentuar gjerësisht në rrjet për shkak të thyerjes së protokollit mbretëror dhe është konsideruar si “fortuna” e pallatit Buckingham./revistawho.com
