Disa javë më parë, ish-banorja e ‘Big Brother’, Fotinia pohoi në studion e programit ‘Ftesë në 5’ me Bieta Sulon se nuk ishte më në një lidhje me Danielin dhe se ky vendim erdhi pasi po i bënin keq njëri-tjetrit. Në mëdyshje rreth asaj se çfarë duhet të tregonte, ajo zgjodhi të pohojë se kjo ishte zgjedhja më e mirë në atë moment për të dy. Megjithatë fansat dhe dashamirësit e tyre kanë ende kuriozitet për marrëdhënien e cila u bë publike brenda shtëpisë më të famshme në Shqipëri, atë të ‘Big Brother’.
Së fundmi në llogarinë e saj në rrjetet sociale, e pyetur nga ndjekësit nëse vazhdon të ruajë kontakte me ish-të dashurin e saj, Fotinia pohoi se vazhdojnë të flasin. “Po me Danielin keni lidhje si shok? Apo nuk flisni fare”, ishte një prej pyetje të mbërritura në ‘Instagram’.
“Po, jemi miq”, është përgjigjur Fotinia, duke i surprizuar të gjithë me këtë fakt. Mesa duket dyshja ka arritur të sqarojë gjithçka dhe t’i lërë në të shkuarën problemet mes tyre.
Ndonëse dikur në një lidhje dashurie, Danieli dhe Fotinia e kanë parë të arsyeshme të mbyllin atë kapitull për të vazhduar më tej si miq./revistawho.com
