Së fundmi Jonida Maliqi ka udhëtuar drejt Marrakech, për një projekt shumë special me Alketa Vejsiun. Dy vajzat e njohura nuk e kanë zbuluar akoma për çfarë bëhet fjalë, por duket se këtë udhëtim përveçse po e përdorin për ide, po e shijojnë shumë. Ato kanë publikuar fotografi të shumta në rrjete sociale, për të treguar vendet që kanë vizituar në qytetin e Marokut.
https://www.instagram.com/p/B4ALx9FH7ly/
https://www.instagram.com/p/B3-Z-9JnAM3/
Por njëra nga fotot e postuara nga Jonida nuk është pritur mirë nga ndjekësit e saj. Artistja kishte pozuar duke mbajtur në duar dy majmunë të vegjël, të cilët ishin të lidhur te qafa me zinxhir. Menjëherë pas publikimit Maliqi është përballur me kritika të shumta, ndaj ajo ka vendosur t’ju bëjë një sqarim të gjithëve. Jonida është shprehur se nuk i duket aspak normale sensi ekstrem i gjykimit, por mirëkupton ndjeshmërinë e ndjekësve ndaj fenomenit. Ajo ka treguar se dalja në foto me majmunët ishte shumë spontane dhe se nuk kishte qëllim evidentimin e zinxhirëve që i mbanin lidhur, sepse sipas saj kjo është diçka e gabuar. Jonida ju ka kërkuar falje publikisht të gjithë atyre që janë prekur nga fotoja dhe më pas e ka fshirë, duke qenë se kjo është e vetmja gjë që mund të bëj pa pasur mundësinë të ndryshojë fatin e kafshëve. “Sikurse njerëzit dhe kafshët duhet të jetojnë lirinë si dhuratën më të madhe”, e ka mbyllur Maliqi me një mesazh shpjegimin e saj.
https://www.instagram.com/p/B4AntAkHceF/
Kjo nuk është hera e parë që personazhet publikë përballen me të tilla kritika, duke qenë se kjo gjë është përhapur si një lloj kauze në mbrojtje të të drejtave të kafshëve. /revistawho.com
