Dafina Zeqiri ka qenë mjaft aktive kohët e fundit, duke publikuar këngë të reja gati çdo muaj. Së fundmi këngëtarja ka zbuluar bashkëpunimin e saj më të ri, i cili me siguri do të kthehet shumë shpejt në hit. Dafina ka treguar se ka realizuar një këngë me Varrosin, reperi që është pjesë e grupit “OTR” të themeluar nga Noizy. Dueti i tyre do të mbajë titullin “Ring Ring” dhe në këtë këngë Dafina do të shfaqet ndryshe nga çdo herë tjetër. Ajo ka zbuluar se për herë rë parë do të këndojë suedisht, duke qenë se ajo është rritur në Suedi dhe familja e saj vazhdon të jetojë në vendin nordik. Ajo ka treguar se këtë këngë ua dedikon pikërisht atyre dhe shoqërisë së saj. “Ring Ring ft Varrosi vjen së shpejti! Projekti im i parë në gjuhën suedeze, këngë e cila po ashtu i dedikohet shoqërisë dhe familjes në vendin ku kam lindur dhe ku jam rritur”, ka shkruar Dafina shoqëruar me promon e këngës.
https://www.instagram.com/p/B4F7N9eBO3q/
Kujtojmë se bashkëpunimi më i fundit i Zeqirit është ai me Tayna-n për këngën “Bye Bye”, që numëron 25 milionë shikime në ‘Youtube’. /revistawho.com
