Para pak ditësh Katy Perry festoi 35-vjetorin e lindjes, por së fundmi ajo ka zbuluar se ka udhëtuar drejt një vendi shumë special për të festuar datën e shënuar në jetën e saj. Këngëtarja ka udhëtuar drejt Egjiptit së bashku me partnerin e saj, Orlando Bloom dhe me më shumë se 60 miq. Perry publikoi në rrjete sociale foto nga piramidat e Gizës dhe përkrah tyre shkruajti: “Egjiptianët e lashtë besonin se kur ndërron jetë zemra jote duhet të peshohet. Duhej të rëndonte më pak se një pendë për t’u kualifikuar për udhëtimin në botën e përtejme. Nëna ime më ka quajtur pendë qëkur kam qenë vajzë e vogël dhe shpresoj që zemra ime të jetë aq e lehtë sa një pendë. Ky është 35-vjetori”. Bloom gjithashtu publikoi foto nga udhëtimi duke përfshirë dhe një me Katy-n e nënën e tij, Sonia Copeland, që ju bashkua çiftit në pushimet e tyre. Kujtojmë se në fillim të këtij muaji “Us Weekly” konfirmoi se çifti kanë planifikuar të martohen në dhjetor dhe pritet të shohim nëse do të ndodhë në të ardhmen. /revistawho.com
https://www.instagram.com/p/B4R58RNlU9T/?utm_source=ig_embed
