Aktorja e famshme e serialit “Grey’s Anatomy”, Caterina Scorsone, do bëhet nënë për herë të tretë. Scrosone, e njohur për rolin si doktoresha Amelia Shepherd, e zbuloi këtë lajm me anë të një postimi në rrjetin social ‘Instagram’. Aktorja publikoi një foto me rastin e Halloween, në të cilën shihej së bashku me familjen e saj, të maskuar si familja e famshme Adams. Në këtë foto dukej mjaft qartë barku i rrumbullakosur. Scorsone është gjithashtu nënë e dy vajzave, 7-vjeçarjes Eliza dhe 2-vjeçares Pippa, me bashkëshortin Rob Giles, i cili është muzikant.
