Reperi Mozzik ka qenë mbrëmjen e sotme i ftuar i natës së parë të sezonit të ri në ‘NIN’.
Në një intervistë ekskluzive për Alaudin Hamitin, ai tregoi shumë detaje në lidhje me të rejat në jetën private, ndarjen nga ish-partnerja e tij, Loredana dhe karrierën.
Mozzik nuk mundi t’i shpëtojë pyetjeve për projektin ‘Dhelpër dinake’, i cili u publikua disa ditë më parë dhe tashmë numëron miliona klikime në kanalin e ‘Youtube’.
“Kënga është punuar para dy vitesh, nuk po gënjej. Erdhi një kohë, çast, moment jetësor, të palidhur me pjesët e jetës sime private, thjesht mu duk se i erdhi koha si këngë. E ndjeva që është obligim të publikoj një këngë të mirë. Nuk do e kisha quajtur dedikim, me shume do e kisha quajtur në kornizën e pjesës jetësore. Derisa them kështu, është një lloj dedikimi, por jo direkt. Ka të bëjë me metaforizëm të një artisti”, është shprehur Mozzik gjatë intervistës.
Siç duket ndonëse spekulimet kanë qenë të shumta, kjo këngë është krijuar para se reperi t’i jepte fund lidhjes me Loredanën. Megjithatë reperi nuk mohoi se mbase kjo ka qenë periudha më e mirë, lidhur dhe me një fazë në jetën e çdokujt, për ta publikuar këngën./revistawho.com
