Mbrëmjen e djeshme në eventin e madh “Country Music Associatiom Awards”, Pink lajmëroi se do të bëjë një pauzë në muzikë për t’ju dedikuar më shumë familjes. “U bënë dy vite e gjysmë me regjistrime dhe turne dhe Willow është rikthyer në shkollë tani, ndërsa Jameson do të jetë parashkollor së shpejti, prandaj ky është viti i familjes”, ka thënë këngëtarja për “Entertainment Tonight”.
Pink ka zbuluar se e mori vendimin për t’u shkëputur përkohësisht nga skena, që bashkëshorti i saj, Carey Hart, të fokusohet më shumë tek karriera e tij. “Carey ka shumë gjëra për të bërë gjithashtu. Ai më mbështet shumë. Më ndjek rrotull botës dhe tani është radha e tij”, ka shtuar Pink. Këngëtarja ishte e pranishme në event bashkë me bashkëshortin dhe fëmijët e tregoi se e bën këtë gjë sepse vogëlushët e saj kënaqen shumë. Vajza e saj, Willow ka qenë prezente në shumë organizime të rëndësishme si në “MTV Video Music Awards” apo “People’s Choice Awards”. /revistawho.com
