Këtë të dielë, në stadiumin e ri të kryeqytetit, “Arena Kombëtare”, do të mbahet ceremonia e përurimit ku do të performojnë emra të njohur të muzikës, si dhe do të luhet ndeshja e parë.
Shqipëria do të zhvillojë një ndeshje me Francën, e cila aktualisht është kampione e botës.
“Anabel.al” ka zbuluar emrat që do të marrin pjesë në përurimin e stadiumit në shfaqjen e organizuar nga moderatori, Ardit Gjebrea.
Këngëtarja që do të hapë spektaklin do të jetë Era Istrefi, e cila do të performojë këngën zyrtare të ‘FIFA World Cup’ 2018, “Live it up”.
Pas saj, Flori Mumajesi do të vijë me këngën “Kuq e Zi”, dhe Aurela Gaçe me “Xhamadani vija vija”.
Juliana Pasha do të performojë “Himnin e flamurit”, ndërsa pas saj do ta mbyllë Besa Kokëdhima me himnin e Francës, “La Marseillaise”.
Ceremonia e përurimit do të mbahet në 17 nëntor, në orën 20:30.
