Një ditë para mbylljes së panairit të librit, moderatorja e njohur, Arbana Osmani ka vendosur të japë lajmin më të bukur për të gjithë adhuruesit e saj. Pas radhës së gjatë në pritje të të gjithë dashamirësve të saj për të blerë librin ‘Receta për 5 minuta’ dhe për ta takuar nga afër, duket se Arbana ka vendosur të jetë pranë tyre në disa forma të tjera.
“Ky panair ka qenë një mundësi fantastike për të takuar kaq shumë prej jush, saqë më vjen keq që nesër do të jetë dita e fundit. Nesër ju pres në orën 11:00 dhe në 18:00 në ditën e fundit të panairit, që do t’i lëri vendin nje touri për librin në Kosovë, disa qytete të Shqipërisë dhe disa vende të botës ku ka shumë shqiptarë. Jam shumë e lumtur, pafund”, ka shkruar Osmani në foton e publikuar në ‘Instagram’ ku shfaqet duke nënshkruar një prej librave të shitur.
Me siguri pas këtij momenti, të gjihë fansat e Arbanës duhet të jenë lumturuar pa masë pasi do të kenë mundësinë ta takojnë nga afër dhe t’i marrin nënshkrimet individuale gjithësecili./revistawho.com
https://www.instagram.com/p/B48DMASATwx/?igshid=1lloa32aa4k1l
