Një tjetër vit kaloi për aktorin e komedisë Pete Davidson. Ai festoi ditën e sotme, 26-vjetorin e tij, në shoqërin e modeles Kaia Gerber.
Një burim u shpreh se në festën që u organizua pas shfaqjes së “Saturday Night Live”, të dy u panë së bashku, por nuk i kishin kapur duart, duke u munduar kështu të qëndronin sa më larg vëmendjes së mediave.
Pavarësisht kësaj, ata kanë qenë shumë të afërt gjatë festës dhe kanë qëndruar pothuajse gjithë natën në shoqërinë e njëri-tjetrit.
Kjo është një nga marrëdhëniet më të komentuara të aktorit, që prej ndarjes nga Ariana Grande, 4 muaj pasi i propozoi për martesë.
