Artistja e njohur e publikut shqiptar, Aurela Gaçe performoi mbrëmjen e djeshme në hapjen e madhe të stadiumit ‘Air Albania’, e cila bëri bashkë mijëra shqiptarë. Ditën e sotme ajo ka ndarë në llogarinë e saj emocionet e veçanta që ka ndjerë teksa vraponte dhe këndonte njëherazi në fushën e gjelbër.
“E megjithëse aty ishte gardh more, gardh me polici, unë, një tifozë e çmendur e çava gardhin e vrapoja që të mos kapnin. Eh, unë kujtova në fakt se isha më e shpejtë se policia, por ata nuk më paskan parë fare. Herë tjetër i lutem trajnerit të më fusë në lojë se kam rezistencë për 90 minuta. Isha e lumtur që ndodhesha mes jush, e lumtur me zërin tuaj që buçiste me këngën aq të dashur e kaq domethënëse e për të gjithë ne, Shqiptarinë”, ka shkruar Gace në videon e publikuar ku shfaqet duke vrapuar në fushën e ‘Air Albania’.
Artistë të tjerë që kënduan krah Gaçes, ishin emrat e njohur si Besa Kokëdhima, Juliana Pasha, Era Istrefi, Flori Mumajesi, të cilët i dhuruan njerëzve shumë emocione me performancat e tyre./revistawho.com
https://www.instagram.com/p/B5A7E02gIEj/
