Dafina Zeqiri po punon fort për të arritur më shumë suksese në karrierën e saj, duke shtuar bashkëpunimet edhe në arenën ndërkombëtare. Pak muaj më parë ajo bashkëpunoi me artistët maroken, Aymane Serhani dhe Dj Hamida, për këngën “Desole por favor”, e cila u prit mjaft mirë. Ndërkohë së fundmi këngëtarja ka treguar se është gati për hitin e radhës në bashkëpunim me një reper italian. Dafina ka publikuar në ‘Instagram’ dy foto me reperin Sfera Ebbasta dhe ka zbuluar se kënga është gati, por do të publikohet vitin e ardhshëm. “2020. Sfera Ebbasta ata nuk janë akoma gati”, ka shkruar Zeqiri përkrah fotove.
https://www.instagram.com/p/B5CuKpQBgEr/
Edhe reperi ka publikuar një imazh me këngëtaren shqiptare në ‘Instagram’, pa zbuluar më tepër detaje në lidhje me këngën e tyre. Sfera Ebbasta ka nisur të bëjë muzikë në vitin 2010, por pas 2014-tës ai mori famë kur nisi të punonte me label të suksesshëm. Ndërkohë kujtojmë se së fundmi Dafina Zeqiri ka publikuar këngën “Ring Ring” në bashkëpunim me reperin e grupit OTR, Varrosi. /revistawho.com
