Ditën e djeshme “West Side Family” dhe Alban Kondi prezantuan këngën e tyre pjesëmarrëse në “Kënga Magjike”, “7 ditë”. Ky projekt u prit mjaft mirë nga publiku, sidmos nga fansat e “West Side Family”, që e kanë ndjekur grupin për 20 vite me radhë. Por duket se ata kanë fanse edhe Aurela Gaçen, që ka dhënë një mesazh për tre djemtë. Aurela ka publikuar në ‘Instagram’ një pjesë të këngës dhe ka treguar se ajo e ka ndjekur dhe duartrokitur “West Side Family” që në 1999, kur prezantuan këngën e tyre të parë “Deluzion”. “Nga t’ja nis? Atëherë po ju tregoj se kisha kaq shumë emocion dje për ju. M’u shfaq para syve momenti kur ju dolët për herë të parë në skenën e ‘Këngës Magjike’. Ju dolët. Grup i ri. Unë ndodhesha në sallë si spektatore. Aq shumë adrenalinë mora nga ju aq mesazh të fortë kishit, sa u ngrita në këmbë e ulërija ‘bravo bravo’. Ue, thashë, çfarë ishin këta? Ka qenë kënga ‘Deluzion'”, ka shkruar Aurela.
https://www.instagram.com/p/B5SV52iAAzN/
Më pas këngëtarja ka falenderuar grupin për rikthimin dhe Alban Kondin për peshën e madhe që mbajti mbi shpatulla. “Flori duhet të ketë buzëqeshur nga lart për ju të tre”, ka shkruar Gaçe në fund të postimit të saj. Ditën e djeshme të gjithë e ndjenë mungesën e Dr.Florit, që i dha aq shumë grupit me krijimtarinë e tij, por sigurisht dhe tre djemtë e sollën këngën në nivelin më të lartë.
